Önnur umferð Lengjudeildar karla fór fram um helgina. Markaþáttur deildarinnar var svo sýndur á Hringbraut í gær en hann verður á dagskrá eftir hverja umferð í allt sumar.

Meðal þess sem var til umræðu í þættinum í gær var lið Fjölnis. Það voru fáir sem spáðu þeim toppbaráttu í sumar en liðið hefur hins vegar farið afar vel af stað og unnið fyrstu tvo leiki sína. Fyrir helgi vann Fjölnir 4-1 sigur á Þór.

„Þú þarft ekki annað en að líta yfir leikmannalistann. Þetta er reynsla í bland við unga leikmenn,“ sagði þáttastjórnandinn, Hörður Snævar Jónsson, um lið Fjölnis.

Hrafnkell Freyr Ágústsson, sérfræðingur þáttarins, tók í sama streng og telur hann liðið til alls líklegt. „Þessir ungu strákar verða að stíga upp. Þeir voru að fá Lúkas Loga heim, fá hann inn. Ef hann verður öflugur með Degi Inga og fleiri strákum, þá eru þeir til alls líklegir. Miðað við frammistöðuna í þessum leik þá var ég eiginlega bara sjokkeraður.“

Hér fyrir neðan má sjá þáttinn í heild.