Auglýsing fyrir „Sex Island“ hefur vakið talsverða athygli, bæði fyrir hversu djörf auglýsingin er og hvað hún er að auglýsa.
Good Girls Company er fyrirtækið á bak við viðburðinn. Það eru aðeins 50 miðar til sölu og hefur fyrirtækið ráðið 100 kynlífsverkakonur – svo hver gestur getur fengið „tvær konur á dag.“ New York Post greinir frá.
„Allar stelpurnar okkar eru búnar að fara í tjékk og eru ekki með kynsjúkdóm. Þú getur skipt um stelpu við aðra gesti, hvenær sem er,“ kemur fram í auglýsingunni. Það verður einnig í boði að fara í kynsjúkdómatjékk á staðnum.
Miðinn kostar tæplega 590 þúsund krónur.
Skipuleggjendur kynlífsveislunnar segja að fíkniefni séu leyfð og gestir geta einnig farið á hestbak, á heilmyndatónleika (e. holographic concert) og á spilavíti.
Það verður einnig hægt að fara í „nautnafulla“ þyrluferð.
Vefsíðan Scam Detector birti kvartanir nokkurra fyrrverandi viðskiptavina Sex Island, sem sögðu að fyrirtækið hefði aflýst viðburðinum í fyrra með engum fyrirvara.
Scam Detector ræddi einnig við talsmann Good Girls Company, sem sagði að þetta væri raunverulegur viðburður og ekkert svindl.
Auglýsing fyrir viðburðinn, á heimasíðu Sex Island, hefur vakið talsverða athygli. Fyrirtækið tók það fram að konurnar í myndbandinu eru „ekki vændiskonur og munu ekki taka þátt í Sex Island.“
Sex Island var haldið í fyrsta skipti árið 2017. „Við vorum 30 gestir, allt karlmenn fyrir utan eitt par,“ sagði 33 ára tannlæknir sem mætti á viðburðinn.
„Þarna voru margir læknar og lögfræðingar á aldrinum 25 til 50 ára, helmingur þeirra var giftur. Það voru nokkrir nördar frá Silicon Valley sem höfðu aldrei gert neitt svona áður og voru frekar stressaðir í byrjun. Það voru líka tvær stórar poppstjörnur frá Kanada, ég kannaðist strax við annan þeirra.“
Hann sagði að það hefði verið mikið um kynlíf og fíkniefnaneyslu. Hann sagði að eftirminnilegasta atvikið var „All In“ viðburðurinn, þegar hver gestur fékk tækifæri til að sofa með fimmtán konum í einu.
„Þetta var það klikkaðasta sem ég hef gert. Mig langaði ekki að þessi klukkutími myndi enda.“
