Spá fyrirliða og forráðamanna liðanna í Lengjudeild karla var opinberuð nú í hádeginu og samkvæmt henni munu nýliðar Fylkis og HK í deildinni fara upp og nýliðar KV og Þróttar Vogum fara niður.

Fylkir og HK féllu niður í Lengjudeildina úr efstu deild í fyrra og munu því freista þess að eiga stutta viðveru í Lengjudeildinni og samkvæmt spánni munu nýliðar Þróttar Vogum og KV eiga erfitt með að halda sæti sínu.

Þá er sá áhugaverði punktur við spánna að liði Vestra var sett í öll 12 sætin í deildinni ef spár fyrirliða og forráðamanna allra liða eru tekin og borin saman og er líklega um einsdæmi að ræða í sögu spánnar fyrir næst efstu deild. Það eru því einhver lið sem sjá það fyrir sér að Vestri berjist á toppi deildarinnar og önnur sem spá liðinu fallbaráttu.

Samkvæmt spánni eru það Kórdrengir sem munu veita Fylki og HK mesta samkeppni um að komast upp í efstu deild.

1. Fylkir – 296 stig
2. HK – 253 stig
3. Kórdrengir – 243 stig
4. Fjölnir – 200 stig
5. Grindavík – 186 stig
6. Þór – 184 stig
7. Vestri – 177 stig
8. Selfoss – 134 stig
9. Grótta – 130 stig
10. Afturelding – 119 stig
11. KV – 57 stig
12. Þróttur Vogum – 46 stig