Það var líf og fjör í Íþróttavikunni hjá Benna Bó á Hringbraut í gær þar sem Arnar Daði Arnarson þjálfari Gróttu og Arnór Smárason leikmaður Vals voru í góðum gír.
Rætt var um Aron Jóhannsson framherja Vals sem var í byrjunarliðinu gegn ÍBV í fyrstu umferð. „Það er mikil pressa á honum, hann sýndi tilþrif í þessum leik. Fólk stendur upp og missir andann,“ sagði Benedikt Bóas.
Arnór Smárason segir Aron hafa komið frábærlega inn í klefann hjá Val. „Frábær fótboltamaður, geggjaður karakter og ógeðslega gott að vera með honum í klefanum. Hann er alltaf til í að taka einhverjar samræður um taktík og það sem er að gerast í okkar leik, hann er búinn að koma sterkur inn í þennan hóp,“ sagði Arnór.
Aron er að koma sér í betra stand. „Hann hefur ekki byrjað marga leiki, hann hefur verið með allan tímann en er ekki alveg 100 prósent. Hann er á fínu róli og á bara eftir að verða betri. Frábær liðsmaður.“
