Leeds er aðeins þremur stigum frá fallsæti í ensku úrvalsdeildinni en liðið hefur nú tapað fjórum leikjum í röð í deildinni.
Leeds tók á móti Tottenham fyrr í dag og vann þar Tottenham öruggan 4-0 sigur. Sumir hafa gagnrýnt Bielsa fyrir að breyta ekki leikstílnum en hann segir það ekki vera möguleika í stöðunni. Hann segist einnig ekki ætla að hætta þrátt fyrir slæman árangur.
„Við höfum nú þegar sýnt fram á að þessi leikstíll virkar í ensku úrvalsdeildinni.“
„Ég hef fengið mikla gagnrýni á síðustu fjórum árum og þetta er ekkert öðruvísi. Ég er að reyna að leysa þetta. Ég held að það hjálpi ekki neinum ef ég hætti að gera það sem ég trúi á, þá mun staðan bara versna.“
Bielsa hefur verið stjóri Leicester frá 2018 og kom liðinu upp í ensku úrvalsdeildina 2020 í fyrsta skipti frá 2004. Samningur hans við Leeds rennur út næsta sumar og segist hann ekki ætla að hætta með félagið fyrir þann tíma.
