Ragnar Eyþórsson, framleiðandi hjá RÚV, var einn af þeim Íslendingum sem tóku þátt í íslensku útgáfunni af Wipeout fyrir 12 árum síðan. Þar sem Ragnari fannst miðvikudagurinn í dag vera frekar mánudagslegur þá ákvað hann að birta myndbandið af því þegar hann reyndi við brautina með boxveggnum og rauðu boltunum.

„Þar sem það er mikill mánudagur í lofti þá smelli ég þessu aftur á netið. Í dag eru 12 ár síðan þessi klippa sást fyrst… og ég er enn að ná drullunni úr eyrunum,“ segir Ragnar með myndbandinu sem hann birti á Twitter-síðu sinni.

Áður en Ragnar fór af stað í brautina sagðist hann ætla að sækja innblástur í kasakstönsku útgáfuna af Wipeout og bruna bara í gegn. „Það klikkar ekki,“ sagði hann svo en það átti þó eftir að klikka smá hjá honum eins og sjá má í myndbandinu hér fyrir neðan.

Þar sem það er mikill mánudagur í lofti þá smelli ég þessu aftur á netið.
Í dag eru 12 ár síðan þessi klippa sást fyrst… og ég er enn að ná drullunni úr eyrunum. pic.twitter.com/UZzCrrl6YX

— Ragnar Eyþórsson (@raggiey) January 26, 2022

Myndbandið vakti athygli Felix Bergssonar sem furðar sig á því að Ragnar sé enn á lífi eftir þetta. „Að þú skulir hafa lifað þetta af!“ skrifar Felix í athugasemd við færslu Ragnars.