Felix Afena-Gyan, nýjasta stjarnan í liði Roma í ítölsku úrvalsdeildinni, segir ekki hafa verið um kynþáttaníð að ræða, þegar að einstaklingur sem var viðstaddur stund þegar að José Mourinho, knattspyrnustjóri Roma, gaf hinum unga leikmanni skó, lét mjög svo óheppileg orð falla.
,,Það eru bananar í kassanum,“ mátti heyra einstakling segja í myndbandi af stundinni þegar að Mourinho afhenti Felix kassa með nýjum skóm fyrir að hafa skorað tvö mörk í leik með Roma á dögunum.
Í kjölfar þess að myndaband af atvikinu fór í dreifingu á samfélagsmiðlum voru margir sem hneyksluðust á þessum ummælum.
Felix sá sig knúinn til þess að tjá sig um málið á samfélagsmiðlum í kjölfarið. Hann segist ekki hafa móðgast yfir orðunum sem umræddur einstaklingur lét falla. „Ég móðgaðist ekki vegna þessara ummæla og tel að ekki hafi verið um kynþáttafordóma að ræða. Frá fyrsta degi hjá félaginu hef ég fengið frábærar móttökur hérna, ég er einn af fjölskyldunni. Ég borða banana rosalega oft og það hefur orðið að gríni á milli okkar stundum. Þessi ummæli voru bara dæmi um það,“ segir Afena-Gyan.
View this post on Instagram
