Leikkonan Jada Pinkett Smith opnar sig um kynlíf hennar og eiginmanns hennar Will Smith.

Í spjallþætti sínum, Red Table Talk, ræddi Jada við móður sína, Adrienne Banfield-Norris og leikkonuna Gwyneth Paltrow, sem var gestur í þættinum, um hvernig það er að viðhalda góðu kynlífi og mikilvægi þess að ræða við maka þinn um kynferðislegar langanir þínar.

Í lok september greindi Will Smith frá því að hann og Jada væru í opnu hjónabandi. Will og Jada hafa verið gift í tæplega 24 ár og eiga saman börnin Jaden og Willow Smith.

Sjá einnig: Will Smith viðurkennir að hann og Jada séu í opnu sambandi

Hjónin hafa því verið ófeimin að ræða samband sitt og nú opnar Jada sig um kynlíf þeirra hjóna.

„Það er erfitt,“ sagði Jada. „Það sem við Will tölum mikið um er ferðalagið. Við byrjuðum í þessu mjög ung, 22 ára gömul […] Ég held að þú býst við því að maki þinn viti hvað þú þurfir, sérstaklega þegar kemur að kynlífi. Það er alveg: „Ef þú elskar mig þá ættirðu að vita. Ef þú elskar mig þá ættirðu að geta lesið hugsanir mínar.“ Það er gildra.“

Jada lagði áherslu á mikilvægi samskipta. „Segðu mér hvað þú þarft. Segðu mér hvað þú vilt og þar að auki, þá veit ég að ég þarf að gera slíkt hið sama. Ég virkilega reyni. Það er óþægilegt en það er gríðarlega heilbrigt. Og sérstaklega varðandi kynlíf. Því þetta er eitthvað sem við tölum ekki um og það er svo mikil fantasía í kringum það.“

Þú getur horft á þáttinn í heild sinni hér að neðan.