Míu-verðlaunin voru afhent í annað sinn í gær við hátíðlega athöfn í Cava-salnum, en um að ræða verðlaun til að heiðra þá sem koma að þjónustu við langveik börn. Hægt er að tilnefna heilbrigðisstarfsmann í hvaða starfstétt sem er til verðlaunanna.

Barnahjartalæknirinn Gunnlaugur Sigfússon hlaut Míu-verðlaunin að þessu sinni, en Gunnlaugur starfar á Barnaspítala Hringsins. Ásmundur Einar Daðason barna- og félagsmálaráðherra afhenti honum verðlaunin ásamt Auði Gunni listakonu hjá AG keramik sem hannaði verðlaunagripinn.

Alls voru 42 heilbrigðisstarfsmenn heiðraðir við athöfnina í gær en mynd af þeim og nöfn þeirra eru hér fyrir neðan:

Birna Ríkey Stefánsdóttir, Björg Kristjánsdóttir, Brynja Jónsdóttir, Brynja Kristín Þórarinsdóttir, Cheila Vanessa S. Santos, Dagbjört Eriksdóttir, Davíð Ottó Arnar, Elísabet Ósk Ögmundsdóttir, Erla Ösp Heiðarsdóttir, Gerða Friðriksdóttir, Guðný Hannesdóttir, Guðrún Ágústa Brandsdóttir, Guðrún Jónsdóttir, Guðrún Þórðardóttir, Gunnlaugur Sigfússon, Gylfi Óskarsson, Helga Jónasdóttir, Kristján Hauksson, Ingólfur Rögnvaldsson, Jón Kristinsson, Rannveig Traustadóttir, Rósa Guðsteinsdóttir, Sigrún María Guðlaugsdóttir, Sigurður Sverrir Stephensen, Þórður Þórkelsson og Valtýr Stefánsson Thors. Með þeim eru Þórunn Eva G. Pálsdóttir og Fríða Björk Arnardóttir sem standa að baki verðlaununum.  – Mynd: Rakel Ósk Sigurðardóttir