Á sjöunda tímanum í gærkvöldi var tilkynnt um ölvaðan mann á veitingastað í Kópavogi. Hann neitaði að greiða fyrir veitingar og hafði í hótunum við starfsfólk. Hann skildi greiðslukort sitt og farsíma eftir er hann yfirgaf staðinn. Nokkru síðar var maðurinn handtekinn í öðru máli en í því er hann grunaður um eignaspjöll. Hann var vistaður í fangageymslu.
Fimm ökumenn voru handteknir í gærkvöldi og nótt grunaðir um að vera undir áhrifum áfengis og/eða fíkniefna. Einn þeirra var einnig kærður fyrir notkun farsíma við akstur. Einn reyndist vera ökuréttindalaus og einn er aðeins 17 ára. Foreldrum hans og barnaverndaryfirvöldum var tilkynnt um málið.
Einn ökumaður var kærður fyrir akstur á gildra ökuréttinda og er um ítrekað brot að ræða. Bifreiðin, sem hann ók, reyndist vera ótryggð og voru skráningarmerkin því fjarlægð af henni.
Einn var handtekinn um klukkan eitt í nótt í Miðborginni grunaður um líkamsárás. Hann var vistaður í fangageymslu.
Á Þingvallavegi missti ökumaður stjórn á bifreið sinni á níunda tímanum í gærkvöldi og lenti hún á vegriði. Engin slys urðu á fólki. Bifreiðin skemmdist mikið og var flutt af vettvangi með dráttarbifreið.
