Ein af stjörnum Brighton í ensku úrvalsdeildinni var handtekin í nótt vegna gruns um kynferðisbrot gegn konu á næturklúbbi. Times segir frá.
Leikmaðurinn er á þrítugsaldri en snemma í morgun var hann handtekinn. Hann hafði verið á skemmtistað í Brighton.
Landsleikjafrí er þessa dagana og því eru frí hjá mörgum liðum í deildinni. Konan tilkynnti meint brot til lögreglunnar sem handtók tvo menn.
Enskir miðlar geta ekki greint frá nafni leikmannsins af lagalegum ástæðum en á samfélagsmiðlum er talað um að þetta sé skærasta stjarna Brighton.
Enska félagið hefur ekki sent frá sér yfirlýsingu vegna málsins en myndband á samfélagsmiðlum af handtökunni fer eins og eldur í sinu.