Bailey Hunter er vinsæll áhrifavaldur á TikTok auk þess er hún í topp 0,7 prósent þeirra sem selja efni á OnlyFans. Bailey deilir reglulega alls konar sögum úr lífi sínu á TikTok. Nýlegt myndband hennar hefur vakið gríðarlega athygli og hefur fengið yfir 10 milljónir í áhorf. Í myndbandinu segir hún frá því hvernig hún komst að því að kærasti hennar var að halda framhjá. Hann kom upp um sig sjálfur með því að tala í svefni.
„Við vorum upp í rúmi og á meðan hann var sofandi sagði hann fullt nafn konu. Og venjulega þegar fólk talar upp úr svefni er erfitt að skilja það en hann sagði þetta mjög skýrt,“ segir hún.
Bailey fór á stúfana og leitaði að konunni á samfélagsmiðlum. Hún fann hana og sá að konan væri gift og ætti börn.
„Þannig ég varð aðeins rólegri. Þegar hann vaknaði um morguninn spurði ég út í hana og hann sagði að þetta væri einhver stelpa sem hann hefði verið í framhaldsskóla með,“ segir hún.
„En ég var ekki alveg sannfærð þannig ég sendi konunni skilaboð og sagði: „Ég er kærasta X og var að spá hvort þið hefðuð talað eitthvað saman nýlega.“ Og hvernig hún svaraði gaf mér ónotatilfinningu. Hún var alveg: „Ekki skipta þér af. Þú ert bara klikkuð fyrrverandi kærasta.“ Og ég sagði: „Ég er ekki fyrrverandi hans, hann á heima hjá mér, ég borga símareikninginn hans, hann keyrir minn bíl í vinnuna. Þetta er vissulega kærastinn minn,““ segir Bailey.
Síðan fékk hún skilaboð frá allt annarri konu sem sagðist hafa fengið skilaboð frá kærasta hennar. Á þessum tímapunkti var Bailey viss um að kærasti hennar væri henni ótrúr.
„Ég ákvað þá að grafast aðeins fyrir um og þar sem ég var að borga símareikninginn hans gat ég skoðað lista yfir símtölin hans. Ég tók eftir 45 mínútna símtali við númer sem ég kannaðist ekki við,“ segir hún.
Bailey sagðist hafa spurt kærastann sem þverneitaði fyrir að hafa einhvern tíma hringt svona langt símtal og sagði að um væri að ræða mistök af hálfu símafyrirtækisins.
„En þetta var nóg fyrir mig og ég sagði honum að fara. Hann fór að gráta og sagðist ekki hafa neinn stað til að fara á. Ég sagði að það væri ekki mitt vandamál, hann hefði átt að hugsa út í það áður en hann hélt framhjá mér.“
Bailey greinir síðan frá veseninu sem fylgdi, að kærastinn neitaði að skila símanum sem hún var að borga fyrir og þurfti hún að borga yfir 150 þúsund krónur til að segja upp símasamningnum og fá sér nýjan síma.
Hún fékk þó smá ánægju úr því að láta draga bílinn hans í burtu eftir að hann skildi hann eftir fyrir utan heima hjá henni og svaraði ekki skilaboðum hennar um hvenær hann ætlaði að sækja bílinn.
Horfðu á myndbandið hér að neðan.
@xbaileyhunterWhether he cheated or just lied to me is irrelevant ##cheater ##stolephone ##mooch ##towcar ##loser ##exboyfriend ##liar
