Barcelona gerði 1-1 jafntefli á heimavelli gegn Granada í spænsku úrvalsdeildinni í kvöld.
Granada hafði ekki unnið leik á tímabilinu og var í 17. sæti með tvö stig fyrir leikinn í kvöld en komst í forystu á 2. mínútu þegar að Dominic Duarte skallaði boltann í netið eftir sendingu frá Sergio Escudero.
Börsungum gekk illa að skapa sér færi í leiknum og áttu 40 fyrirgjafir áður en þeim tókst að jafna metin.
Miðvörðurinn ungi, Ronald Araujo, sem var kominn í sóknina undir lok leiks skoraði jöfnunarmark heimamanna á 90. mínútu eftir sendingu frá Gerard Pique.
Lengra komst Barcelona ekki en liðið er í 7. sæti með 8 stig eftir 4 leiki. Granada er með 3 stig eftir 5 leiki.
Barcelona 1 – 1 Granada
0-1 Dominic Duarte (’2)
1-1 Ronald Araujo (’90)
