Þrír leikir fóru fram í umspili um sæti í riðlakeppni Meistaradeildar Evrópu í kvöld. Um fyrri leiki liðanna var að ræða.

Salzburg 2-1 Bröndby

Salzburg frá Austurríki sigraði Bröndby frá Danmörku með sigurmarki seint í leiknum.

Mikael Uhre kom gestunum frá Danmörku yfir strax á 4. mínútu.

Karim Adeyemi jafnaði fyrir heimamenn á 57. mínútu.

Það stefndi í jafntefli þegar Brenden Aaronson gerði sigurmark Salzburg.

Lokatölur 2-1. Þó er allt galopið fyrir seinni leik liðanna í Danmörku.

Sherrif Tiraspol 3-0 Dinamo Zagreb

Sherruf Tiraspol frá Moldóvu, lið sem sló Val út í forkeppni Evrópudeildarinnar árið 2018, skellti Dinamo Zagreb frá Króatíu.

Adama Traore kom þeim yfir undir lok fyrri hálfleiks. Dimitrios Kolovos tvöfaldaði forystuna á 54. mínútu.

Traore var aftur á ferðinni með mark þegar tíu mínútur lifðu leiks. Lokatölur 3-0

Svakalega stór úrslit fyrir Sheriff sem hefur aldrei áður farið í riðlakeppni Meistaradeildarinnar.

Monaco 0-1 Shakhtar Donetsk

Shaktar Donetsk frá Úkraínu vann góðan útisigur á franska liðinu Monaco.

Pedrinho gerði eina mark leiksins á 19. mínútu.