Serge Aurier er líklega á förum frá Tottenham í sumar. Það eru stuðningsmenn félagsins afar ánægðir með.
Þessi 28 ára gamli bakvörður kom til Tottenham frá Paris Saint-Germain árið 2017.
Hann hefur sýnt ágætis spretti inn á milli en getur gert ansi skrautleg mistök í bland. Stuðningsmenn eru því fegnir því að þurfa ekki að sjá hann áfram í búningi félagsins.
Aurier hefur til að mynda verið orðaður við AC Milan og hans gamla félag, PSG, í sumar. Þar sem Parísarliðið nældi þó í Achraf Hakimi, sem spilar sömu stöðu og Aurier, frá Inter á dögunum verður að teljast líklegra að hann endi í Mílanó.
Stuðningsmenn Tottenham hafa látið ánægju sína í ljós á samfélagsmiðlum. Einn skrifaði til að mynda ,,Besta vika ævi minnar varð enn betri.“ Búast má við að gengi enska landsliðsins á Evrópumótinu spili inn í hamingju þessa stuðningsmanns.