Þrír einstaklingar greindust með kórónuveiruna hér innanlands í gær en öll smitin greindust hjá einstaklingum sem voru í sóttkví. Þá greindist enginn á landamærunum.
Þetta kemur fram í bráðabirgðatölum frá almannavörnum en upplýsingavefurinn covid.is er ekki uppfærður um helgar.
Í gær greindust einnig þrír með veiruna innanlands og voru þau smit einnig öll greind hjá einstaklingum í sóttkví.