Myndlistarmaðurinn Kristinn Guðmundsson hefur verið að slá í gegn í eldhúsi matreiðsluþáttarins Soð um árabil. Hann deildi nýverið með okkur hvað hann borðar á venjulegum degi. Hér deilir hann uppskrift að stálheiðarlegum kjötrétti frá Belgíu.

Sjá einnig: Þetta borðar Kristinn á venjulegum degi

„Þetta er „stoofvlees“ eða í beinni þýðingu „Eldavélakjöt.“ Þessi réttur var fyrstu rétturinn sem ég gerði í Soð og fór hann í loftið fyrir rétt rúmlega fjórum árum,“ segir Kristinn.

Hráefni:

800gr grísavanga / nautagúllas

– 2 stórir laukar

– 1 msk Malt edik (eða epla edik)

– Pipar & Salt

– 2 msk Sinnep

– 6 geirar Hvítlaukur

– 2 msk Timian

– 2 brauðsneiðar

– 1 líter gott kjötsoð

– 2 33cl dökkur bjór

– 2 lárviðarlauf

Aðferð

1. Skerið laukinn gróft niður
2. Flysjið hvítlaukinn skerið smátt (því smærra sem þú skerð hvítlaukinn því sterkari verður hann)
3. Skerið kjötið í sirka 4-7cm teninga.
4. Steikið kjötið á mjög háum hita náið góðum lit.
5. Setjið kjötið til hliðar.
6. Steikið laukinn þar til hann verður gullinn brúnn og sveittur.
7. Bætið við hvítlauknum steikið í stutta stund
8. Einn líter af soði
9. Smyrja brauðið með dijon og bætið út í soðið
10. Ná upp suðu.
11. Timían og lárviðarlauf sett í pottinn
12. Þegar suðan er komin upp þá er bjórnum hellt út í.
13. Náið upp Suðu aftur.
14. Kjöt í pottin og edik með.
15. Mallað í 1-2 klukkutíma eða þangað til að kjötið fellur í sundur.
16. Kjöt og lárviðarlauf veidd úr pottinum (reynið að halda sem mestum lauk í pottinum).
17. Töfrasproti notaður til að blanda sósuna til hún er þykk of falleg.
18. Kjöt sett út í aftur og hitað upp í svona 10 mín á lágum hita.
19. Svo bara njóta með til dæmis belgískum kartöflum (frönskum) eða kartöflustöppu.

Uppskriftin á YouTube

Belgískar kartöflur

Og ekki gleyma majónesinu