Par var heldur betur ánægt með nýja sófann sinn og ákvað að taka mynd til að senda fjölskyldu og vinum. Við nánari athugun sáu þau að myndin er bráðfyndin sjónhverfing, en það er eins og þau hefðu „skipt“ um höfuð.

Þetta hljómar fáránlega en sjáðu bara myndina.

Parið Kellie Gnauch og Sam Cassidy segja í samtali við The Sun að þau hafi fengið vægt áfall fyrst þegar þau skoðuðu myndina, þau botnuðu ekki í einu né neinu.

„Sjónhverfing er eina ástæðan fyrir því að við deildum myndinni á netinu, þetta er alls ekki besta myndin af okkur,“ segir Kellie.

„Ég hélt í alvöru fyrst að þetta væri „feik.“ Ég áttaði mig ekki á því að svona sjónhverfingar geta orðið til af sjálfu sér.“

Myndin vakti fljótt athygli á samfélagsmiðlum og klóra netverjar sér í hausnum yfir henni.