Ronald Koeman, knattspyrnustjóri Barcelona, var myrkur í máli er hann var spurður út í handtökur lögreglu á fyrrum forseta félagsins Josep Maria Bartomeu og framkvæmdastjóra félagsins Oscar Grau.
Lögreglan í Barcelona réðst inn á Camp Nou heimavöll Barcelona á dögunum til að fara í aðgerðir á skrifstofu félagsins.
Forráðamenn Barcelona hafa verið sakaðir um að ráðið samfélagsmiðlafyrirtæki fyrir til að gera lítið úr núverandi og fyrrum leikmönnum félagsins. Málið er kallað Barca-Gate.
„Þegar að ég frétti af þessu varð ég niðurbrotinn vegna þess að ég þekki Bartemeu og Grau vel. Ég finn til með þeim, ég deildi góðum stundum með þeim,“ sagði Koeman við blaðamenn fyrir leik Barcelona gegn Sevilla.
Hann segir málið vera skaðlegt fyrir ímynd Barcelona.
„Þetta er ekki gott fyrir ímynd félagsins en við verðum að bíða og sjá hvað rannsóknin leiðir í ljós,“ sagði Ronald Koeman, knattspyrnustjóri Barcelona.