Raunveruleikastjarnan Kourtney Kardashian og trommarinn Travis Barker eru nýjasta stjörnupar Hollywood. Þau opinberuðu samband sitt þann 17. febrúar síðastliðinn en fyrir það voru sögusagnir komnar á kreik um að þau hafi byrjað saman í desember 2020.
Kourtney á þrjú börn með fyrrverandi eiginmanni sínum Scott Disick. Travis á tvö börn með fyrrverandi eiginkonu sinni Shanna Moakler.
Shanna og Travis voru gift á árunum 2004 til 2006. Þau eiga saman Landon, 17 ára, og Alabama, 15 ára. Þau tóku saman aftur um stutt skeið árið 2009 áður en leiðir þeirra skildu á ný. En þrátt fyrir að samband þeirra heyri sögunni til, virðist Shanna ekki geta staðist það að varpa smá rýrð (e. throw shade) á Kourtney á Instagram.
Shanna er með 220 þúsund fylgjendur á Instagram, og eftir að Kourtney og Travis opinberuðu samband sitt, skrifaði netverji við mynd af Shanna:
„Jii hún á ekkert í þig. Travis tók klárlega niður fyrir sig. (e. downgraded).“
Shanna líkaði við athugasemdina. Það leið ekki á löngu þar til glöggir netverjar tóku eftir því og gagnrýndu, bæði hana og konuna sem skrifaði athugasemdina, fyrir að „setja konur á móti hvor annarri“ og bera saman útlit þeirra.
View this post on Instagram
Shanna endaði með því að eyða athugasemdinni. En þar með var dramað ekki búið. Shanna deildi færslu á Instagram þar sem stóð: „Hættu að kvarta. Það er fólk þarna úti sem er í sambandi með fyrrverandi makanum þínum.“
Á þessum tímapunkti hefur Kourtney talið það vera kominn tími til að svara, undir rós þó, að sjálfsögðu.
Kourtney deildi í Instagram Story mynd og með því stóð: „Hættu að sitja um fyrrverandi á samfélagsmiðlum.“
Hún deildi einnig færslu frá lífsstílsvefsíðu sinni Poosh sem fjallaði um „hvernig ætti að hætta að sitja um fyrrverandi maka á samfélagsmiðlum.“
Þetta er allt voða leynilegt og dularfullt, hvorugar eru að segja eitthvað hreint og beint út en netverjar lesa á milli línanna. Shanna hefur þó tjáð sig einu sinni opinberlega um sambandið og sagðist vera hamingjusöm fyrir hönd þeirra.
View this post on Instagram
„Hann er vinur minn og faðir barnanna minna, ég vil að hann sé hamingjusamur,“ sagði hún við paparazzi ljósmyndara í Los Angeles. „Ef það gerir hann hamingjusaman að vera með henni, og hún er hamingjusöm, þá er ég hamingjusöm fyrir hönd þeirra, í alvöru.“
Hún bætti svo við: „Hann getur ráðið við allt þetta Kardashian drama.“
