Aron Jóhannsson, íslenski framherjinn sem leikur fyrir Bandaríkin valdi að fara til Lech Poznan í Póllandi, til að eiga aukna möguleika á að komast aftur í landslið Bandaríkjanna.

Aron rifti samningi sínum við Hammarby í Svíþjóð undir lok síðasta árs og samdi við Poznan á dögunum. Hann skoraði í sínum fyrsta leik um helgina þegar lið hans vann 1-0 sigur á Slask Wroclaw.

Draumur Arons er að snúa aftur í landslið Bandaríkjanna, hann fór með liðinu á Heimsmeistaramótið 2014 í Brasilíu og vonast til að komast með á mótið árið 2022 í Katar.

eildinni. Aron var í byrjunarliði Lech Poznan og kom liðinu yfir með marki á 57. mínútu eftir stoðsendingu frá Jan Sykora.

„Draum­ur­inn er auðvitað að kom­ast aft­ur í landsliðið og stór hluti af þeirri ákvörðun minni að fara til Pól­lands var með banda­ríska landsliðið í huga. Það voru önn­ur lið sem vildu fá mig og ég fékk til­boð víðs veg­ar að úr heim­in­um. Ég fékk sem dæmi til­boð frá Banda­ríkj­un­um en ég leit á það þannig að ef ég kæm­ist í stórt lið í Evr­ópu myndi það auka lík­urn­ar á því að ég fengi tæki­færi með landsliðinu,“ sagði Aron í samtali við Bjarna Helgason á Morgunblaðinu.

Aron hafnaði tilboðum sem hefðu gefið honum miklu hærri laun en draumurinn um endurkomu í landsliðið togaði í hann.

„Ég fékk líka fjár­hags­lega mjög góð til­boð sem ég ákvað að hafna því draum­ur­inn er að fara aft­ur á heims­meist­ara­mót með Banda­ríkj­un­um. Ég geri mér samt líka grein fyr­ir því að ég er orðinn þrítug­ur og ég er ekki framar­lega í gogg­un­ar­röðinni. Ég mun þurfa að berj­ast fyr­ir mínu og standa mig,“