Fjölmiðlakonan Eva Laufey Kjaran bókstaflega grætur úr hlátri á myndbandi sem hún birti á Instagram í dag, en hún þakkar sínu sæla fyrir góða tannlækna. „Blindur bakstur fer vel af stað! Guði sé lof fyrir góða tannlækna“
„Málið er það að ég lenti í smá tannveseni þegar ég var lítil, hún datt og hún dó og hún var löguð og svo hefur hún ekki verið nógu góð. Svo var ég að laga mig til og ég lít svona út sem sagt,“ segir Eva Laufey í myndbandinu áður en hún hallar sér til hliðar úr mynd.
Þegar hún birtist svo aftur vanar í hana aðra framtönnina.
„Ég er rosa fín frú hérna frammi og svo kem ég og laga tennurnar hérna inn á milli,“ segir Eva, örlítið smámælt, og skellihlær.
Hún er sem sagt komin með góm með gervitönn og þegar hún tekur út góminn þá að sjálfsögðu vantar í hana framtönnina.
„Þetta er ekki hægt,“ segir fjölmiðlakonan og þurrkar burt tárin sem hláturinn hefur kallað fram.
Eva Laufey vinnur nú að nýjum þáttum sem heita blindur bakstur en af Instagraminu hennar má sjá að meðal gesta hjá henni er sjálfur fjármálaráðherra, Bjarni Benediktsson, en hann er mikill kökuskreytingamaður og er sérstaklega duglegur við það áhugamál þegar styttist í kosningar.
View this post on Instagram
„
