Það eru eflaust margir sem kannast við það að vera í góðri stemningu með kertaljós og kertavaxið hellist svo niður. Það er yfirleitt ekki vandamál að þrífa vaxið upp af gólfinu eða af borðum en staðan getur verið önnur ef vaxið hellist á teppi eða á mottur.
Lynsey Crombie, sem þekkt er sem þirfadrottningin í Bretlandi, er nú komin með lausn við þessu leiðinlega vandamáli. The Sun greindi frá lausn hennar en Lynsey sýnir hvernig hægt er að ná kertavaxi úr teppum með einföldu ráði sem tekur aðeins nokkrar mínútur. Lausnina birti Lynsey upphaflega á Instagram-síðu sinni en hún er með rúmlega 200 þúsund fylgjendur þar. Þá segir hún að lausnin virki líka til að ná vaxi af veggjum.
Til að losna við vaxið tekur Lynsey handklæði eða viskastykki og leggur það ofan á vaxið. Hún bendir á að einnig sé hægt að nota maskínupappír. Næst tekur hún straujárn og rennir því rólega yfir efnið á lágum hita. Þá tekur hún fram að einnig sé hægt að nota hárplásara í staðinn fyrir straujárnið. Þegar þetta er gert losnar vaxið og fer í handklæðið eða viskastykkið.
Myndband af þessu sem Lynsey deildi á Instagram má sjá hér fyrir neðan:
View this post on Instagram
