Hinn heimsþekkti fjallagarpur og ísklifurmaður, Colin O´Brady, telur að John Snorri Sigurjónsson sé nú látinn. Johns og tveggja félaga hans hefur nú verið saknað í þrjá daga en síðast var vitað af þeim í grunnbúðum 4 í fjallinu K2 í Pakistan.
Hin bandaríski Colin O´Brady var sjálfur að glíma við fjallið ógurlega fyrir örfáum dögum en ákvað að snúa við. Árið 2018 varð hann fyrsti maðurinn til að þvera Suðurskautslandið án aðstoðar.
„Ég hef haldið aftur af því skrifa þessa færslu, í veikri von um að vinir mínir gætu enn verið á lífi. En núna hafa liðið fjórar nætur frá því ég var síðast með þeim Ali Sadpara, John Snorra and JP Mohr í grunnbúðum 3 á K2 og enn hefur ekki heyrst frá þeim eftir að þeir héldu áfram áleiðis á toppinn en ég, af einhverjum ástæðum, ákvað að fylgja eðlisávísuninni og snúa við. Ég tel nú að þeir séu ekki lengur á lífi,“ segir Colin í harmþrunginni færslu á Instagram-síðu sinni.
Colin segir að hann hafi orðið mjög náinn mönnunum þremur. Hann skrifar enn fremur:
„Allir mennirnir þrír voru feður. Hjarta mitt er brostið vegna barna þeirra og fjölskyldna. Þessir menn voru stórmerkilegar manneskjur, hlýir og ástúðlegir og höfðu til að bera mikil heilindi. Söknuðurinn eftir þeim verður hræðilegur.“
