Alfreð Finnbogason framherji íslenska landsliðsins og Augsburg er að ná heilsu eftir smávægileg meiðsli. Alfreð var utan hóps í einn leik og var ónotaður varamaður í síðasta deildarleik.
Alfreð hefur misst mikið út vegna vöðvameiðsla síðustu mánuði með Augsburg í þýsku úrvalsdeildinni.
Heiko Herrlich, þjálfari Augsburg er vongóður um Alfreð geti spilað gegn Werder Bremen á morgun. „Hann er að sýna jákvæð merki á æfingum, það er möguleiki á að hann spili á morgun,“ sagði Herrlich.
Alfreð er 31 árs gamall en honum hefur ekki tekist að skora í deildinni á þessu tímabili og aðeins spilað einn 90 mínútna leik.
Framherjinn knái hefur raðað inn mörkum fyrir Augsburg þegar hann hefur verið heill heilsu en liðið situr í ellefta sæti deildarinnar.
