Rúnar Alex Rúnarsson markvörður Arsenal er á lista yfir verstu kaup félagsins. Þetta er skoðun Daily Mail sem er næst stærsta götublað Englands og með vinsælustu vefsíðu enskra blaða þar í landi.

Rúnar er í níunda sæti í samantekt Daily Mail en Arsenal keypti Rúnar Alex fyrir þessa leiktíð, hann hafði staðið sig með miklum ágætum þegar hann gerði stór mistök í enska deildarbikarnum gegn Manchester City.

Sagt var frá því í The Athletic í vikunni að Arsenal myndi vilja lána Rúnar Alex í neðri deild Englands eða til liðs í Evrópu. Arsenal leitar að markverði til að keppa við Bernd Leno, David Ornstein segir að Arsenal hafi alltaf hugsað um Rúnar sem þriðja kost sinn í markið.

„Íslenski markvörðurinn er í níunda sæti á lista okkar eftir að hafa mistekist að sannfæra fólk sem varaskeifa fyrir Leno,“ segir í umfjöllun Daily Mail.

„Frammistaða hans hefur orðið til þess að stuðningsmenn Arsenal hræðast það að Leno meiðist. Það má samt ítreka það að Rúnar var alltaf hugsaður sem þriðji kostur í marki Arsenal, félaginu mistókst að kaupa annan markvörð síðasta sumar.“

„Við verðum samt að gefa Rúnari smá slaka, hann er enn að læra á hlutina hjá Arsenal.“

Listann má sjá í heild hér að neðan.

Tíu verstu kaup Arsenal í ensku úrvalsdeildinni að mati Daily Mail:
10) YAYA SANOGO
9) RÚNAR ALEX RÚNARSSON
8) DENIS SUAREZ
7) KIM KALLSTROM
6) FRANCIS JEFFERS
5) ANDRE SANTOS
4) IGORS STEPANOVS
3) SEBASTIEN SQUILLACI
2) KABA DIAWARA
1) PARK CHU-YOUNG