Svæði þar sem fólk kemur og stundar kynlíf á utandyra er eitthvað sem bretar nefna „dogging site“. Eitt vinsælasta svæðið til þess á Englandi í dag er Vicarage Road, heimavöllur Watford. Enskir fjölmiðlar segja frá.

Watford er meðvitað um vandamálið sem er í kringum heimavöll félagsins, þar kemur fólk og stundar kynlíf í kringum völlinn og horfir á aðra gera slíkt hið sama.

„Við elskum að láta horfa á okkur en það er svolítið skrýtið að gera þetta fyrir utan knattspyrnuvöll,“ segja Steve og Helen, par á fimmtugsaldri sem er duglegt að gamna sér fyrir utan Vicarage Road.

Í hópnum Randy Hertfordshire swingers er fólk varað við því að vera á ferli þegar leikur er á heimavelli Watford.

Watford féll úr ensku úrvalsdeildinni en það er fróðlegt að sjá hvort að kynorkan í kringum völlinn hjálpi liðinu að rísa upp á nýjan leik.