Þróttur R. gerði góða ferð á Selfoss þegar liðin mættust í Pepsi-Max deild kvenna í dag. Þróttarar unnu 1-3 sigur og komu sér með því úr fallsæti.
Mary Alice Vignola kom Þrótturum yfir á 26. mínútu. Stephanie Mariana Ribeiro tvöfaldaði síðan forystu Þróttar á 43. mínútu.
Mary Alice bætti við sínu öðru marki í leiknum er hún kom Þrótturum þremur mörkum yfir rétt fyrir hálfleik.
Selfoss minnkaði muninn á 65. mínútu þegar Tiffany Janea skoraði. Fleiri mörk voru ekki skoruð í leiknum, 1-3 sigur Þróttara, staðreynd.
Þróttur er eftir leikinn í 7. sæti deildarinnar með 15 stig. Selfoss er í 4. sæti með 19 stig.
Selfoss 1-3 Þróttur R.
0-1 Mary Alice Vignola (’26)
0-2 Stephanie Mariana Ribeiro (’43)
0-3 Mary Alice Vignola (’45)
1-3 Tiffany Janea (’65)
