Óprúttinn aðili siglir undir fölsku flaggi og þykist vera tónlistarmaðurinn Ingólfur Þórarinsson, betur þekktur sem Ingó Veðurguð, á samfélagsmiðlum og stefnumótasíðunni Tinder. Í samtali við DV segir Ingó að það sé einnig einhver að nota nafnið hans á Twitter.

Ingó greinir frá þessu á Facebook og segir að aðilinn fari undir notendanafninu @Ivedurgud á Snapchat og sé að senda skilaboð í hans nafni. Einnig þykist einhver vera hann á Tinder.

„Það er einhver búinn að vera að þykjast vera ég á Snapchat undir nafninu IVedurgud. Viðkomandi er búinn að senda skilaboð víða í mínu nafni, Eins er örugglega einhver búinn að vera að nota nafnið mitt á Tinder. Þið megið endilega gera report ef þið sjáið viðkomandi. Fleira var það ekki,“ segir Ingó á Facebook.