Víðir Reynisson, yfirlögregluþjónn kom með mikilvæg skilaboð til þjóðarinar á blaðamannafundi vegna kórónaveirunnar sem er í gangi núna. Víðir hvatti alla til þess að koma mikilvægum skilaboðum áleiðis til þeirra sem kunna ekki að nálgast skilaboðin, líkt og sumir sem að ekki kunna íslensku, eða önnur tungumál sem eru á covid.is.

„Nú er líka hluti af samfélaginu sem er viðkvæmur. Fólkið sem talar ekki Íslensku. Þó svo að við séum með covid.is á átta mismunandi tungumálum þá er fullt af fólki sem veit ekki af síðunni og jafnvel talar ekkert af þeim tungumálum sem eru þar inni og skilja þessvegna ekki alveg hvað hvað er í gangi,“

Víðir sagði að allir ættu að reyna að taka þessi skilaboð til sín og láta þá sem að gætu verið í vandræðum vita, það ættu jú allir í samfélaginu sömu þjónustu skilið.

„Við viljum hvetja alla þá sem eru í tengslum við fólk sem ykkur grunar að skilji ekki allt sem við erum að segja og getur ekki meðtekið allar upplýsingarnar, að láta það vita. Hafa samband við þetta fólk og hjálpa því að túlka og leita sér aðstoðar. Allir í samfélaginu okkar eiga rétt á sömu þjónustu og sömu upplýsingunum og það er mjög mikilvægt. Við erum að vinna þetta allt saman að við hjálpumst öll að. Við viljum segja að við séum almannavarnir og það er hluti af því að vera í almannavörnum að hjálpa okkur að ná til þessa fólks sem við náum ekki til með okkar hefðbundnu aðferðum.

„Er einhver sem býr í blokkinni eða í næsta húsi eða einhver sem var vinna með þér og hefur ekki aðgengi að upplýsingum? Teygjum okkur út og náum í þetta fólk og komum til þeirra öllum helstu upplýsingunum.“