Real Madrid vill losna við Gareth Bale í sumar og samkvæmt frétt AS hefur Bale fengið nóg og vill fara.

Bale telur að Zinedine Zidane, þjálfari liðsins hafi niðurlægt sig reglulega á þessu tímabili.

Zidane vildi losna við Bale síðasta sumar en aðeins lið frá Kína höfðu áhuga, enda þénar Bale rúma 2 milljarða á ári. Laun sem ekkert enskt lið telur sig geta borgað.

Tottenham hefur haft áhuga á að fá Bale heim aftur en geta ekki borgað þessi laun.

Bale hefur aðeins spilað 18 leiki á þessu tímabili og því ljóst að hann á litla framtíð hjá Zidane.

Bale er sagður horfa til þess að fara í MLS deildina, þar telur hann sig geta átt góð ár og notið lífsins á golfvellinum.