Alþjóðaheilbrigðismálastofnunin WHO mælir með því að fólk sem er smitað af COVID-19 taki ekki verkjalyf sem innihalda íbúprófen, til dæmis íbúfen. Ástæðan fyrir aðvöruninni er að franskir embættismenn hafa varað við lyfinu og segja það geta haft neikvæð áhrif á heilsu þeirra sem eru smitaðir.

APF skýrir frá þessu. Olivier Veran, heilbrigðisráðherra, tilkynnti um þetta og byggir þetta á niðurstöðum nýrrar rannsóknar sem voru nýlega birtar í vísindaritinu The Lancet. Í henni er sú kenning sett fram að ensím, sem bólgueyðandi efni á borð við íbúprófen styrkja, geti ýtt undir áhrif COVID-19 og gert þau verri.

⚠️ #COVIDー19 | La prise d'anti-inflammatoires (ibuprofène, cortisone, …) pourrait être un facteur d'aggravation de l’infection. En cas de fièvre, prenez du paracétamol.
Si vous êtes déjà sous anti-inflammatoires ou en cas de doute, demandez conseil à votre médecin.

— Olivier Véran (@olivierveran) March 14, 2020

Christian Lindmeier, talsmaður WHO, sagði í gær að stofnunin væri að skoða málið til að geta komið með frekari leiðbeiningar.

„Á meðan mælum við með því að fólk noti frekar parasetamól og noti ekki íbúprófen án samráðs við lækni. Þetta er mikilvægt.“

Sagði hann.

Uppfært 22.03.2020

WHO hefur nú tilkynnt að stofnunin mæli ekki lengur gegn notkun lyfja sem innihalda íbúprófen.