Hitapulsan sem á að bjarga Laugardalsvelli og gera hann leikfæran fyrir leikinn gegn Rúmeníu í lok mánaðar fer á loft í dag.

Kristinn V. Jóhannsson er vallarstjóri Laugardalsvallar. ,,Veturinn er lykill í svona, þú þarft að finna lausnir,“ sagði Kristinn á dögunum.

Hitadúkur kemur til landsins þremur vikum fyrir leik, hann er lykill að árangri að mati Kristins. Svipaður dúkur var notaður árið 2013 þegar Ísland mætti Króatíu í nóvember og virkaði vel. Þessi pulsa sem fer yfir völlinn er dýr í rekstri en er sterkasta vopn KSÍ.

Sjá má pulsuna rísa hér að neðan.