Það fór fram hörkuleikur á Ítalíu í kvöld er Fiorentina og AC Milan áttust við í Serie A.
Það vantaði ekki fjörið á heimavelli Fiorentina en leiknum lauk með 1-1 jafntefli.
Ante Rebic skoraði fyrra mark leiksins fyrir Milan og stuttu seinna fékk Henrique Dealbert rautt spjald fyrir brot á Zlatan Ibrahimovic.
Tíu menn Fiorentina náðu þó að jafna og fengu vítaspyrnu á 84. mínútu sem Erick Pulgar skoraði úr.
Fiorentina situr í 13. sæti deildarinnar eftir jafnteflið og er Milan í því sjöunda.
