Fasteignasalan M2 auglýsir nú til sölu líklega draumahús hvers stuðningsmanns Liverpool. Íbúðin stendur við Aðalstræti á Patreksfirði og kostar litlar 16 milljónir. Það hlýtur að teljast gjöf en ekki gjald í ljósi þess að öll húsgögn fylgja með.
Af myndum að dæma hefur fyrri eigandi verið mikill Púllari og mögulega kaþólskur en mynd af páfanum má sjá í svefnherberginu. Pistlahöfundurinn Hrafn Jónsson vakti athygli á íbúðinni á Twitter í gær en þar skrifaði hann: „Þessi er til sölu. Mikil orka í rýminu.“
Þessi er til sölu. Mikil orka í rýminu. pic.twitter.com/BohQ97PEWx
— Hrafn Jónsson (@hrafnjonsson) January 28, 2020
Ein kona spyr hann í athugasemdum hvort hann sé að selja húsið sitt og því svarar Hrafn: „Ég vakna á hverjum morgni með neongræna-depla fyrir augunum og hef aldrei verið betri.“
