„Kannski er það stoltið. Við erum mjög stolt þjóð og viljum láta ljós okkar skína, gjarnan sýna öðrum hvað við erum stór og sterk í öllu, að við eigum roð í stærri þjóðirnar.“
Þetta segir kraftajötuninn Hafþór Júlíus Björnsson, betur þekktur á heimsvísu sem Fjallið, í samtali við YouTube-rásina Mulligan Brothers. Hafþór segir stóran hluta af sinni velgengni og hvata vera Jóni Páli Sigmarssyni að þakka. Hann hafi rutt veginn fyrir aðra Íslendinga til þess að sýna hvað í þeim býr.
„Hann sýndi að þetta væri hægt. Það þarf alltaf einhver sem að vera fyrstur í öllu til þess að veita öðrum innblástur. Hver veit? Kannski ef Jón Páll hefði aldrei unnið þessi met, hefði Magnús Ver Magnússon aldrei byrjað eða jafnvel ég,“ segir Hafþór, sem undirstrikar einnig fjölda afreksfólks Íslandssögunnar. Telur hann upp Annie Mist Þórisdóttur, Katrínu Tönju Davíðsdóttur og fleiri.