Biðtími eftir nýju ökuskírteini hér á landi er 3–4 vikur. Framleiðsla skírteinanna er í höndum ungverska fyrirtækisins ANY Security Printing Company sem er í samstarfi við Öryggismiðstöðina. Umsóknir eru sendar út einu sinni í viku til Ungverjalands á föstudagsmorgnum. Sá sem sækir um skírteini á föstudegi þarf því að bíða í viku eftir því að umsóknin fari í ferli. Ríkislögreglustjóri gerði samning við fyrirtækin árið 2012 og þá var stefnt á að afgreiðslutíminn yrði ein vika.
