Liverpool heimsækir Red Bull Salzburg í Meistaradeild Evrópu klukkan 17:55 í dag, ef illa fer er Liverpool úr leik í Meistaradeildinni. Liðið sem vann deildina í sumar gæti verið á leið úr leik.
Liverpool er öruggt áfram svo lengi sem liðið tapar ekki leiknum í Austurríki í dag. Tap mun að öllum líkindum kosta liðið sæti í 16 liða úrslitum.
Ef Liverpool hins vegar tapar, en skorar fjögur mörk mun liðið fara áfram á fleiri mörkum skoruð á útivelli. Liðið vann Salzburg 4-3 á heimavelli.
Ef Liverpool tapar og Napoli tapar, þá fer Liverpool áfram með Salzburg. Napoli á hins vegar heimaleik gegn Genk, sem liðið á að vinna auðveldlega.
Ef Napoli gerir jafntefli og Salzburg vinnur Liverpool, eru öll lið með tíu stig en Liverpool fer út á innbyrðis úrslitum.
