West Ham 1-3 Arsenal
1-0 Angelo Ogbonna(38′)
1-1 Gabriel Martinelli(60′)
1-2 Nicolas Pepe(66′)
1-3 Pierre-Emerick Aubameyang(69′)
Arsenal vann mjög góðan sigur í ensku úrvalsdeildinni í kvöld er liðið spilaði við West Ham á útivelli.
Arsenal var að vinna sinn fyrsta leik í níu tilraunum en ballið byrjaði ekki vel fyrir gestina.
Angelo Ogbonna skoraði eina mark fyrri hálfleiks fyrir West Ham en Arsenal var langt frá því að vera sannfærandi fyrstu 45 mínúturnar.
Freddie Ljungberg tókst þó að tala sína menn til í hálfleik og mætti liðið mun sterkara til leiks í þeim seinni.
Nicolas Pepe fékk tækifæri í byrjunarliðinu í kvöld og hann bæði skoraði og lagði upp á Pierre-Emerick Aubameyang.
Fyrsta mark Arsenal gerði hinn ungi Gabriel Martinelli í góðri endurkomu á London Stadium.
