fbpx
Föstudagur 04.júlí 2025
433Sport

Björn Jóhann krefst þess að Guðni reki Hamren í hvelli: „Meðvirknin náði hámarki á Bylgjunni“

Hörður Snævar Jónsson
Miðvikudaginn 20. nóvember 2019 09:18

Ekki missa af Helstu tíðindum dagsins í pósthólfið þitt

Lesa nánar

Björn Jóhann Björnsson, blaðamaður á Morgunblaðinu kallar eftir því að Erik Hamren, verði rekinn úr starfi sem landsliðsþjálfari og það strax. Þetta skrifar hann í pistli í blað dagsins.

Björn skrifar í Ljósvaka sem er dálkur í blaðinu. Hann segir fjölmiðla meðvirka með íslenska landsliðinu og segir árangurinn hjá strákunum, ekki góðan. Liðið er á leið í umspil um laust sæti á EM, sem gæti orðið þriðja stórmót liðsins í röð.

,,Íslenska karlalandsliðið í knattspyrnu hefur verið í sviðsljósi fjölmiðla að undanförnu þegar leiknir voru síðustu tveir leikirnir í undankeppni EM. Fyrir kappsama og kröfuharða aðdáendur er vont að sætta sig við að hafa ekki komist beint á EM og sleppt Tyrkjum upp yfir okkur. Alltaf var vitað að Frakkarnir færu beina leið og Ljósvaki var nokkuð viss um að Ísland myndi fylgja með,“ skrifar Björn Jóhann í blað dagsins.

Björn kveðst hafa óttast að Hamren myndi ekki ná þeim árangri sem hann krafðist. ,,Undir lá þó ótti um að Svíinn Erik Hamrén myndi ekki ná því út úr liðinu sem Lars og Heimir gerðu. Eftir leikinn gegn Moldóvu kom hann í fjölmiðla og virtist bara nokkuð sáttur með að hafa náð 19 stigum í þessum riðli. Sem fyrr var farið um hann silkihönskum í sjónvarpsviðtali eftir leik en eflaust er íþróttafréttamönnum vorkunn. Það geislar ekki beint af Svíanum og hann gefur lítil færi á sér,“ skrifar Jóhann.

Björn segir að meðvirknin með landsliðinu hafi náð hámarki í viðtali á Bylgjunni. ,,Allir virðast bara sáttir við að fara í umspilið en það verður eins og rússnesk rúlletta. Til mikils er að vinna, milljarðar króna undir, og KSÍ ætti að nota tækifærið og skipta strax um þjálfara. Meðvirknin með landsliðinu náði hámarki á Bylgjunni morguninn eftir Tyrkjaleikinn þegar sá annars frábæri útvarpsmaður, Heimir Karls, byrjaði viðtal við Guðna Bergs, formann KSÍ, á því að óska honum til hamingju með árangurinn! Það virtist koma aðeins á keppnismanninn Guðna, líkt og Ljósvaka, sem svelgdist á kaffinu.“

Erik Hamren tók við landsliðinu fyrir rúmu ári síðan og hefur náð ágætis árangri, Björn Jóhann krefst þess hins vegar að Guðni reki Svíann á næstu dögum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

David endar á Ítalíu
433Sport
Fyrir 14 klukkutímum

Besta deildin: Stokke tryggði stig gegn Blikum

Besta deildin: Stokke tryggði stig gegn Blikum
433Sport
Fyrir 15 klukkutímum

Kjartan Már keyptur til Skotlands

Kjartan Már keyptur til Skotlands
433Sport
Fyrir 15 klukkutímum

Stelpurnar í fríi síðdegis – Sveindís og Holding sáust á rölti um miðbæinn

Stelpurnar í fríi síðdegis – Sveindís og Holding sáust á rölti um miðbæinn
433Sport
Fyrir 18 klukkutímum

Arsenal fær góð tíðindi ef félagið vill kaupa Rodrygo

Arsenal fær góð tíðindi ef félagið vill kaupa Rodrygo
433Sport
Fyrir 19 klukkutímum

Sancho sagður klár í að lækka í launum og fara til Juventus

Sancho sagður klár í að lækka í launum og fara til Juventus
433Sport
Fyrir 22 klukkutímum

Myndir: Þorsteinn og Þorvaldur í djúpum þönkum eftir vonbrigðin í gær – Hvað fór þeirra á milli?

Myndir: Þorsteinn og Þorvaldur í djúpum þönkum eftir vonbrigðin í gær – Hvað fór þeirra á milli?
433Sport
Fyrir 23 klukkutímum

Þorvaldur ræðir vinnuna á bak við tjöldin – „Þekking og kunnátta hafa hjálpað“

Þorvaldur ræðir vinnuna á bak við tjöldin – „Þekking og kunnátta hafa hjálpað“
433Sport
Í gær

Sindri spyr hvort íþróttafréttamenn taki með silkihönskum á kvennalandsliðinu

Sindri spyr hvort íþróttafréttamenn taki með silkihönskum á kvennalandsliðinu
433Sport
Í gær

Yfirlýsing frá Liverpool – „Reyna að ná áttum eftir ólýsanlegan missi“

Yfirlýsing frá Liverpool – „Reyna að ná áttum eftir ólýsanlegan missi“