Hugo Lloris, markvörður Tottenham, verður frá keppni næstu mánuði vegna meiðsla.

Lloris fór úr olnbogalið í um helgina er Tottenham spilaði við Brighton í ensku úrvalsdeildinni og tapaði. Frakkinn meiddist eftir aðeins þrjár mínútur en hann féll á óþægilegan hátt og gerði sig sekan um mistök um leið.

Þessi mistök kostuðu mark en Neal Maupay skoraði mark fyrir Brighton eftir örfáar mínútur. Lloris féll aftur á bak og fór í kjölfarið úr lið og er útlitið ekki bjart.

Nú er ljóst að Lloris þarf ekki að fara í aðgerð en hann verður frá fram yfir jól. Ef bati Lloris verður hins vegar ekki nógu góður, þarf hann að fara undir hnífinn.