Á sölusíðunni Bland.is má sjá ansi áhugaverða auglýsingu.

Þar hefur notandinn acidgísli, sem þýða mætti sem Sýru-Gísli óskað eftir kaupanda á málmleitartæki.

Í lýsingunni kemur fram að með málmleitartækinu sé hægt að finna veski, úr, hringi og síma eftir góðviðrisdaga í Nauthólsvík.

„Ef þü ferð niður á ylströnd í Nauthólsvík að kvöldi sumars. Þú trúir því ekki hvað maður finnur eftir mikla sól finnurðu fullt af símum, veskjum, hringjum, úrum, alveg geggjað,“

Seljandin segist vera að selja tækið til að kaupa sér en betri græju, en segir helsta gallann vera að málmleit þessi sé á gráu svæði.

„Ég er að panta mér professional græju sem kostar 170000kr með tollum og öllu,“

„Eini gallin er að það er á gráu svæði hvað þú mátt gera með vélinni til dæmis er bannað að fara, og leita eingöngu af gömlum fjársjóðum skrítið, en þess vegna tóku þau í tollinum fyrstu vélina og ég tapaði fullt.“