Það kom mörgum á óvart þegar HK vann ÍA í Pepsi-Max deild karla um helgina en liðin áttust við á Akranesi.
HK hafði aðeins unnið einn leik fyrir leiknn gegn ÍA en það síðarnefnda var í þriðja sætinu eftir gott gengi í sumar.
Það kom þó ekkert svakalega mikið á óvart þegar HK vann ÍA en það var rætt um það í hlaðvarpsþættinum Sóknin hér á 433.is í dag.
Hörður Snævar Jónsson og Hrafn Norðdahl fóru yfir leiki helgarinnar og viðureignina á Akranesi.
Hrafn segir að ÍA minni á Wolves í ensku úrvalsdeildinni en liðinu gegn mjög vel gegn toppliðunum en illa gegn þeim minni.
,,Við ræddum þetta, ég segi ekki að þetta hafi verið augljóst en það var auðvelt að spá fyrir um þetta,“ sagði Hrafn.
,,Þetta er það sama og í ensku úrvalsdeildinni með Wolves. Þeir náðu stigum og unnu toppliðin en svo töpuðu þeir gegn botnliðunum.“
,,Þeir enda einhvers staðar rétt fyrir ofan miðju. Við höfum séð þetta allt áður og þetta kom mér ekkert á óvart.“
,,HK hefur spilað fínan fótbolta þó að stigin hafi ekki verið að detta. ÍA náði ekki að vinna þá í fyrra í Inkasso-deildinni. Vel gert HK, glæsilegt.“
