Kylian Mbappe, leikmaður Paris Saint-Germain, hefur greint frá því hvaða lið hann myndi velja ef hann væri að spila tölvuleikinn FIFA.
Blaðamaður spurði Mbappe út í það hvaða lið hann myndi velja ef þeir þyrftu að grípa í pinna og spila leikinn.
,,Ég myndi kannski velja Liverpool því þeir unnu Meistaradeildina. Mér líkar við Jurgen Klopp,“ sagði Mbappe.
Mbappe og félagar duttu úr leik í 16-liða úrslitum Meistaradeildarinnar í ár eftir 3-1 tap heima gegn Manchester United.
Liverpool fór hins vegar alla leið í keppninni og vann Tottenham í úrslitaleiknum í Madríd.
Mbappe hefur sjálfur verið orðaður við Liverpool en hann hefur viðurkennt að hann gæti þurft að fara í annað lið í náinni framtíð.