Gylfi Þór Sigurðsson, skærasta stjarna Íslands í fótbolta og Alexandra Helga Ívarsdóttir, gengu í það heilaga um helgina. Margir hafa fylgst með gangi mála á Instagram.

Brúðkaupið fór fram á Lake Como á Ítalíu, hjónin buðu í partý á föstudag og á laugardag var svo stóri dagurinn.

Sjáðu allar helstu myndirnar úr brúðkaupi Gylfa og Alexöndru: „Þið eruð algerlega æðisleg og framtíðin er svo sannarlega ykkar“

Gylfi er risastórt nafn á Englandi, ensk blöð hafa því áhuga á brúðkaupinu sem fram fór. ,,Alexandra varð fræg fyrir um tíu árum þegar hún varð ungfrú Ísland,“ skrifar enska götublaðið, The Sun.

,,Hún og Gylfi, hafa verið þekkt fyrir að vera svar Íslands við Posh og Becks,“ skrifar blaðið. Þar er átt við David Beckham og Victoria Beckham, sem eru ein frægustu hjón í heimi.

,,Til hamingju vinur, þið lítið frábærlega út saman,“ sagði Tony Bellow, boxari við Instagram færslu Gylfa.

,,Lítur út eins og milljón dollarar vinur,“ skrifaði Jermaine Jenas, fyrrum leikmaður Tottenham á Instagram.