Stórleikarinn Jóhannes Haukur Jóhannesson og eiginkona hans, Rósa Björk Sveinsdóttir, hagfræðingur, hafa sett eign sína á Laugarásvegi 5 í Reykjavík á sölu.
Um er að ræða tæplega tvö hundruð fermetra eign sem er búin fimm svefnherbergjum, en Jóhannes og Rósa hafa búið sér fallegt heimili þar um árabil.
Eigninni fylgir stór bílskúr og tröppur við inngang eru upphitaðar. Á neðri hæð hússins hefur verið innréttuð stúdíóíbúð sem er tilvalin til útleigu. Ljóst er að þetta er eign með mikla möguleika.
Jóhannes og Rósa eiga þrjú börn saman, en Jóhannes hefur átt mikilli velgengni að fagna í leiklistinni á erlendri grundu undanfarin ár. Hefur hann til dæmis leikið í kvikmyndunum Alpha og Atomic Blonde sem og sjónvarpsþáttunum The Innocents og Origin.
