Það eru núll prósent líkur á því að Antoine Griezmann gangi í raðir annað hvort Paris Saint-Germain eða Manchester City í sumar.

Þetta staðfestu stjórar félagana í dag en Griezmann hefur gefið það út að hann sé að kveðja Atletico Madrid.

Frakkinn birti myndband á dögunum þar sem hann opnaði sig um þá ákvörðun að yfirgefa liðið.

Thomas Tuchel, stjóri PSG, var spurður út í Griezmann í dag en segir það ekki vera möguleika að reyna við hann í sumar.

Pep Guardiola, stjóri City, tók í sama streng en hann segir að liðið hafi ekki efni á leikmanninum.

Það er í raun bara einn staður sem þykir koma til greina og það er spænska stórliðið Barcelona.