Upplifun fyrir fjölskylduna og heimilið

Um helgina er tilvalið fyrir alla að skella sér á hina glæsilegu lífstílssýningu Lifandi heimili  sem haldin verður í Laugardalshöllinni. Ásamt því að unnt verður að kynna sér allt það nýjasta á markaðnum á sviði heimila og barnavara þá verður stútfull skemmtileg dagskrá yfir helgina sem höfðar til allra í fjölskyldunni. Sýningin Lifandi heimili 2019 er tvískipt. Annars vegar er um heimilissýningu að ræða og hins vegar sýninguna Barnið, fyrir verðandi og nýbakaða foreldra.

Heimilissýningin var síðast haldin í Höllinni árið 2017 og sýningin Barnið í Hörpu í september 2016. Báðar sýningarnar fengu frábærar viðtökur. Í þetta sinn var ákveðið að sameina þær undir einu þaki en sitt hvorum hattinum. Áætlað er að um 24þús mann hafi lagt leið sín í Höllina á heimilissýninguna fyrir tveimur árum og búast má við álíka fjölda nú um helgina. Á sýningunni munu gestir geta kynnt sér spennandi og áhugaverðar vörur og þjónustu fyrir heimilið og barnið og gera góð kaup í leiðinni.

Allt á einum stað!

Með sýningunni er skapaður sameiginlegur vettvangur fyrir fjölskylduna, hönnuði, arkitekta og aðra fagaðila til að kynna sér á einum stað allt það nýjasta á markaðinum. Hátt í 80 glæsilegir sýningarbásar verða á svæðinu, sem sýnendur hafa lagt mikið í og ætti útkoman því að vera einstaklega glæsileg og skemmtileg og í samræmi við slagorð sýningarinnar: komdu og upplifðu!

Það var margt um manninn á Heimilissýningunni 2017!

Frábær skemmtun fyrir yngri kynslóðina!

Á sýningunum Lifandi heimili og Barnið 2019 verður margt skemmtilegt um að vera fyrir yngri kynslóðina. Frítt verður í hoppukastala á innisvæðinu en þar verður jafnframt selt candy floss og boðið upp á andlitsmálningu gegn vægu gjaldi. Þétt og skemmtileg dagskrá verður við sviðið en þar munu Solla stirða og félagar starta dagskránni báða dagana rétt eftir hádegi. Dimmalimm kemur og skemmtir yngstu kynslóðinni þar á eftir báða dagana. Jón Jónsson tekur svo nokkra smelli eins og honum er einum lagið á laugardeginum og svo mun Einar Mikael framkvæma ótrúlega töfra fyrir gesti og gangandi. Á sunnudeginum tekur svo Sirkus Íslands við en þar mun Anna Sól sýna listir með húllahringinn og í lok sunnudags mun Dans Kúltúr sjá um skemmtilegt dansatriði.

Hver vill ekki vinna milljón ?

Með hverjum keyptum miða getur þú skráð þig til leiks í happadrætti sýningarinnar Lifandi heimili og unnið fallegar og nytsamlegar vörur fyrir heimilið þitt.

Margir sýnendur lögðu til vinninga í eitt stærsta happadrætti sem Heimilissýningin hefur staðið fyrir og gefst einum heppnum gesti kostur á því að taka alla vinningana með sér heim á sunnudaginn kl. 17.

Nældu þér í miða á sýninguna Lifandi heimili hér og eigðu möguleika á að vinna glæsilega vinninga. Til að taka þátt í happdrættinu þarftu einfaldlega að mæta á staðinn, fylla út upplýsingar þínar og setja í kassann sem staðsettur er við básinn með vinningunum. Það er til mikils að vinna þar sem í boði eru fullt er af fallegum hlutum fyrir heimilið. Heildarverðmæti vinninga nemur yfir einni milljón!

Meðal verðlauna eru:

85 fm af parketi
Fallegt hönnunarloftljós
Rúmföt
Ilmkerti
Vasar
Skálar
Ásamt fullt af fallegum vörum fyrir barnið.

Komdu og upplifðu allt sem tengist heimilinu, garðinum og fjölskyldunni á einum stað!

Nánari upplýsingar má nálgast á vefsíðu sýningarinnar Lifandi heimili.
Opið er á laugardag 11:00-18:00 og á sunnudag frá 11:00-17:00