Hörður Ingi Gunnarsson, var í byrjunarliði ÍA í gær er liðið vann 2-0 sigur á FH. Hörður ólst upp í FH.
Mamma Harðar var í stúkunni ásamt 11 ára systir hans, þær fengu að finna fyrir því og Herði misbýður.
,,Ætla ekki að fara nefna nein nöfn hérna en að gefa mömmu minni og 11 ára systur minni puttann eftir leikinn í gær er ekki fullorðnum mönnum sæmandi, grow up,“ skrifar Hörður á Twitter.
Ljóst má vera að þarna voru stuðningsmenn FH en Hörður kýs að nefna ekki nafn þeirra.
Skagamenn byrja með látum í Pepsi Max-deildinni og eru með tíu stig eftir fjórar umferðir. Hörður kom til ÍA fyrir síðustu leiktíð, áður lék hann með HK og Víkingi Ólafsvík.
Ætla ekki að fara nefna nein nöfn hérna en að gefa mömmu minni og 11 ára systur minni puttann eftir leikinn í gær er ekki fullorðnum mönnum sæmandi, grow up….
— Hörður ingi (@hordur6) May 16, 2019
