Inga Björk Bjarnadóttir, formaður framkvæmdastjórnar Samfylkingarinnar, fyrrverandi varaþingmaður og fötlunaraktívisti, segist í öngum sínum á Twitter. Hún segist gráta þar sem Icelandair sýni engan vilja til að koma til móts við hana.

„Icelandair er með Halo með Sigríði Thorlacius sem biðtón og nú er ég að gráta en allt í lagi,“ skrifar Inga Björk og heldur svo áfram í öðru Tísti: „Nú er ég actually að gráta því þau neita að breyta nafni á flugmiða fyrir aðstoðarkonuna mína / koma til móts við mig með nokkrum hætti og ég þarf bara að kaupa nýjan flugmiða“

Nú er ég actually að gráta því þau neita að breyta nafni á flugmiða fyrir aðstoðarkonuna mína / koma til móts við mig með nokkrum hætti og ég þarf bara að kaupa nýjan flugmiða ?

— Kratababe93 (@ingabbjarna) May 16, 2019

Vinir hennar á Twitter eru sammála og fordæma Icelandair. Eyrún Baldursdóttir, oddviti Röskvu, spyr: „Er ekki í lagi, hvar er mennskan? @Icelandair“ Önnur vinkona Ingu Bjarkar merkir sérstaklega við Icelandair og segir: „ég er fastakúnni og mér finnst þetta mjög lélegt. Það hlýtur að vera hægt að gera eitthvað til að aðstoða þegar um er að ræða fólk sem þarf að ferðast með aðstoðarfólk. Eru Vildarbörn bara PR eða eru þið fyrirtæki sem raunverulega vill þjónusta fólk með fötlun vel?“

Í skilmálum sem finna má á vef Icelandair kemur fram að ef nafn er slegið rangt inn við bókun þá kostar sú leiðrétting 3.600 krónur ef ferð hefst á Íslandi. Þá er tekið skýrt fram að nafnabreyting sé ekki leyfð eftir útgáfu miða.